Почина полицаец од коронавирус од Куманово
Од МВР не откриваат повеќе детали во врска со смртта на ова лице и дека во текот на утрешниот ден ќе излезат со соопштение.
Починал полицаец кај кој пред десет дена му бил дијагностицирано дека е заболен од коронавирус, дознава Алсат од неофицијални извори. Според информациите починатиот бил од редовите на граничната полиција и до пред две недели служел во полициската станица Белановце.
Од Министерството за Внатрешни работи потврдија за Плусинфо дека припадник на полицијата починал. Оттаму не откриваат повеќе детали во врска со смртта на ова лице и дека во текот на утрешниот ден ќе излезат со соопштение.
Инаку на ниво на Држава со Ковид19 моментално се заразени 12 полицајци кои беа во првите редови во борбата со пандемијата.
Градоначалникот на Куманово во емисијата „Топ Тема“ на Телма потврди дека добил информација дека двајца граѓани на овој град ја загубиле битката со коронавирусот.
– Пред самото вклучување во емисија добив информација од Центарот за јавно здравје дека имаме уште двајца починати наши сограѓани во Куманово, рече Димитриевски и изрази сочусвтво, но не сподели повеќе детали.