Почина Иринеј, патријархот на Српската православна црква

Српскиот патријарх Иринеј почина денеска од компликации од новиот коронавирус.

Иринеј беше примен во болница во Белград на 5 ноември поради Ковид-19. Неговата здравствена состојба се влоши вчера.

Беше избран за патријарх на СПЦ на 22 јануари 2010 година.

Претседателот на Србија, Александар Вучиќ, потврди дека патријархот Иринеј починал.

Тој на Инстаграм, заедно со црно-белата фотографија од патријархот Иринеј, напиша:

„Ми беше чест да те познавам. Луѓето како тебе никогаш не заминуваат”.