ПОЧИНА ФИЛМСКАТА ЛЕГЕНДА ОД „СОПРАНОВИ“ Бил Кобс зад себе остави 200 филмски и ТВ-улоги

Американскиот актер Бил Кобс почина на 90-годишна возраст, објави неговиот публицист Чак Џонс.

Роден во Кливленд, Кобс остави длабока трага во Холивуд со повеќе од 200 филмски и телевизиски улоги.

Тој се појави во филмови како „Големиот скок“, „Телохранител“ и „Ноќ во музејот“.

Неговата кариера особено доживеа подем во неговите подоцнежни години, кога режисерите и продуцентите често му даваа улоги за кои беше потребна зрелост и мудрост, наведува АП.

Кобс исто така беше присутен и на телевизија, појавувајќи се во серии како „Сопранови“, „Западното крило“, „Улицата Сезам“.