ПОЧИНА 27-ГОДИШЕН ЗАТВОРЕНИК ВО ИДРИЗОВО Момчето не го издржало патот до болницата

Вчера во 17.50 часот во СВР Скопје, од Итна медицинска помош било пријавено дека починал Р.В.(27), осуденик во Казнено-поправната установа Затвор Идризово, информираше Министерството за внатрешни работи (МВР).

Според пријавеното, поради влошена здравствена состојба Р.В. со возило на затворот бил пренесуван кон болница, но по пат починал во возилото.

„Смрт констатирал лекар од Итна медицинска помош, а по наредба на Јавен обвинител телото на починатиот било дадено на обдукција“, наведено е во полицискиот билтен.