ПОБЕДАТА НА ПУТИН ЗАВИСИ ОД МАДУРО? Венецуела и Иран можат да ја превртат играта со нафтата

Венецуела и Иран, две од ретките земји кои лежат на нафта би можеле да го свртат својот извоз кон Западот и со тоа да му ги поматат плановите на рускиот претседател Владимир Путин. Тој планира да ја подигне Русија многу повисоко од 11-тото место на најголеми светски економии, а приходите од нафатата ќе му требаат да ја добие војната против Украина и санкциите. Да, Венецуела и Иран имаат лидери кои генерално му се наклонети на Путин, но нивната нафтена политика останува државна тајна, пишува Нова.

Според еден трговец и аналитичар, извозот на Иран се намалува, што ја спречува земјата да ги искористи придобивките од зголемувањето на цените на енергијата. Тоа би можело да го премисли Иран без разлика што земјата веќе договори воена соработка со Русија. Путин наскоро ќе патува во Техеран за да договори испорака на стотици дронови и обука на своите сили од Иран. Ќе биде ли ова доволно за да се створи траен сојуз?

Венецуела сѐ поблиску до Западот, САД ќаруваат

Започнува нова ценовна војна со нафтата која може да ескалира. Конкуренцијата за продажба во Азија веќе ги принуди Венецуела и Иран да ја намалат нивната нафта за да се обидат да се задржат на неколкуте достапни продажни места за сопствениот санкциониран извоз, велат аналитичарите и трговците.

Нафтената конкуренција, предизвикана од руската инвазија на Украина, веќе се чини дека ја притиска Венецуела поблиску до Западот, по неколку години длабоко замрзнување на односите поради кршење на изборните и човековите права од страна на авторитарниот лидер на земјата.

Последниот преостанат американски производител на нафта во земјата е во преговори со владата на Венецуела, вели локален претставник во Венецуела.

Секој можен договор за носење повеќе венецуелска нафта на светските пазари ќе им помогне на САД, кои сè повеќе сакаат да ја намалат нејзината цена, а со цел да ја ограничат штетата на западните економии од војната и санкциите наметнати на руската нафта.

Кина и Русија слабо плаќаат

Попустите што ги нуди државната нафтена компанија на Венецуела за кинеските рафинери достигнаа рекордно ниво од војната во Украина. Еден барел од водечката азиска сурова нафта, „Мареа“, моментално се продава за 45 долари помалку од суровата нафта „брент“ и моментално се тргува по 100 долари за барел.

Од почетокот на војната во Украина, руските бродски компании престанаа да ѝ плаќаат на државната компанија во Венецуела за нафтата што ја продаваат во нејзино име во Азија, лишувајќи ја земјата од клучниот приход, изјави извршен функционер.

Проблемот на Иран

Иран е во сличен проблем. Според податоците на иранскиот Врховен ревизорски центар, во првите два месеци од лунарната година на Иран, која започнува на крајот на март, земјата заработила само 37 отсто од проектираните приходи за тој период. Ирански трговец со нафта, кој сакаше да остане анонимен, рече дека руската конкуренција го намалила извозот на нафта на Иран во Кина за повеќе од една третина од нивото пред војната.

Тој истакна дека извозот на Иран во Азија падна на околу 700.000 барели дневно, што е половина од обемот на извозот на кој земјата го базираше својот годишен буџет.

Сепак, и покрај зголемената конкуренција, Иран и Венецуела ја задржаа јавната солидарност со Путин. Но, парадоксално, скокот на цените на енергијата може да ги доближи интересите на Венецуела и Иран до Западот. Двете земји сакаат да продаваат повеќе нафта, а САД и Европа треба да најдат нови добавувачи за да ги намалат цените.

Затоа високи американски функционери двапати патуваа во Каракас, главниот град на Венецуела од почетокот на војната, за да преговараат со претседателот Николас Мадуро.