ПО ВЕЧЕРАТА СО ПРИЈАТЕЛКИТЕ Ријана им помогнала на келнерите да го исчистат ресторанот

Пејачката Ријана го воодушеви персоналот во ресторан со ѕвезда на Мишелин во Њујорк кога им помогна да ја расчистат масата по вечерата.

Пејачката го посетила луксузниот ресторан „Caviar Russe“ со шест пријатели и побарала од персоналот да остане подолго за да ужива во кавијарот и шампањот на мир, а наводно во ресторанот останала до 2 часот по полноќ.

„Кога завршија со вечерата, пејачката им помогна на келнерите да средат и да ги вратат барските столови на место, бидејќи останала толку долго“, изјави извор за „Пејџ сикс“. Новопечената мајка за излегувањето носела широки фармерки, предимензиониран дрес на „Ноу лимит рекордс“, високи потпетици со врвки и накит од „Тифани и компани“.

Rihanna helps restaurant staff clean up after girls’ night out https://t.co/JA3YjM2WRQ pic.twitter.com/jiUZ3Ez6Z9

— Page Six (@PageSix) September 3, 2022

Пејачката неодамна стана најмладата жена на листата на „Форбс“ на 100 најбогати Американки кои сами го заработиле своето богатство. На листата се најдоа бројни успешни претприемачки, извршни директорки и жени од светот на шоубизот, а Ријана го зазеде високото 21 место.

Богатството на Ријана се проценува на 1,4 милијарди долари, а главни извори на приходи се заработката од музика и козметика. Ријана е косопственик на козметичката линија „Фенти бјути“, од која доаѓа најголемиот дел од приходите на пејачката. Исто така, „Форбс“ наведува дека Ријана има 30 отсто удел во брендот „Саваж х фенти“, што исто така ѝ носи многу пари.

ФОТО: Твитер/Инстаграм