По повеќечасовна драма, спасен киднапиран кинески милијардер
Кинеската полиција го спаси милјардерот Хе Сијангжан, кого од вчера киднапери го држеа во заложништво, под закана дека ќе активираат експлозив. Кинескиот милијардер е спасен откако неговиот 55-годишен син успеал незабележано да се извлече од куќата и да ја преплива блиската река за да ја извести полицијата.
Можеби ќе ве интересира
Основачот на најголемиот светски произведувач на домашни апарати Мидеа груп, кој е шести најбогат човек во Кина и 41. во светот со богатство од 25 милијарди долари, беше држен како заложник во луксузна вила во Фошан, во близина на Хонг Конг. Полицијата, која вчера попладне била информирана за настанот, успеала рано изутрина да го ослободи бизнисменот, при што се уапсени шест осомничени лица.