ПО БИЛ ГЕЈТС, СЕГА ИЛОН МАСК ГО ПОВРЗУВААТ СО ЧИПОВИ Неговата фирма започнува клинички испитувања на луѓе? (ВИДЕО)

Откако беше успешно тестиран на јапонскиот макак мајмун и свињата Гертруда, мозочниот чип произведен од „Neuralink“, стартапот на најбогатиот милијардер во светот Илон Маск, наскоро би можел за прв пат да се најде во човечкиот мозок. Доколку не се запре нејзиниот развој, оваа технологија, вели Маск, би можела да им овозможи на парализираните луѓе да одат. Но, прво треба да се тестира и кај луѓето.

Судејќи според огласот за работа поставен од „Neuralink“ – за позицијата директор на клинички испитувања на човечки мозочни чипови – се чини дека стартапот од Силиконската долина се подготвува да започне клинички испитувања на луѓе.

– Како директор на клинички испитувања, ќе соработувате тесно со некои од најиновативните лекари и врвни инженери, како и со првите учесници во клиничкото испитување на „Neuralink“ – стои во огласот за работа.

За почеток, „невронскиот имплант“ на „Neuralink“, како што беше наречен, ќе овозможи директна комуникација помеѓу човечкиот мозок и компјутер или друг дигитален уред. Затоа, лице со имплант во мозокот може да контролира уреди како што се телефони и компјутери.

– Со испраќање информации од мозокот, личноста со парализа ќе може да контролира компјутерски глушец или тастатура. Информациите исто така може да се вратат во мозокот за, на пример, да се врати чувството за допир – велат од компанијата.

Како што вети ко-основачот на „Neuralink“, Илон Маск во 2016 година, кога првпат го откри проектот – рекламирајќи го како клуч за овозможување одење на параплегичари, лек за депресија и начин за поврзување на човекот и компјутерот – „технологијата ќе му овозможи на некој со парализа да го користи неговиот паметен телефон со умот, што е побрзо од кој било друг со палците“.

Тој на самитот на Извршниот одбор на директори на Вол Стрит минатиот месец рече дека е „внимателен оптимист“ дека имплантите ќе им овозможат на тетраплегиците да одат.

Сепак, треба да се биде внимателен и со ветувањата на Маск: неговата најава од 2019 година дека имплантот „Neuralink“ ќе се најде во човечкиот мозок до крајот на 2020 година, за жал, не беше единственото неисполнето ветување на милијардерот.

Неговите често хиперболизирани ветувања се можеби најдобро илустрирани со изјавата на д-р Лаура Кабрера, истражувач по невроетика од Универзитетот Пен Стејт, која гласи: „Секогаш внимавам што вели Маск“.

Сепак, без разлика на довербата во зборовите на милијардерот за временската реализација на неговите проекти, Маск смета дека Neuralink „ни дава шанса да ја вратиме функционалноста на целото тело на некој што има повреда на ‘рбетниот мозок“, рече тој, нагласувајќи дека имплантот добро функционира кај мајмуните.

Еден од тие мајмуни, јапонскиот макак по име Пејџер, научил да ја игра играта понг телепатски – со својот мозок или, како што пишуваат од стартапот на Маск, „неговиот Неуралинк“. Нешто слично е постигнато и со свињата Гертруда.

Како што објасни Маск, имплантот ќе биде вграден во черепот и ќе се полни безжично. Луѓето со импланти би изгледале „сосема нормално“, како што би се чувствувале. Според него, на технологијата треба да се гледа како на нешто што едноставно ќе ги замени неисправните или исчезнатите неврони во мозокот.

– Се надеваме дека следната година, по одобрувањето на Американската агенција за лекови, ќе го имаме првиот имплант кај луѓе, а тоа ќе бидат луѓе со тешки повреди на ‘рбетниот мозок, како што се тетраплегични и квадриплегичари – рече Маск на самитот на извршни директори во декември 2021 година.