ПЛИВААТ ДОКУМЕНТИ, ИНСТРУМЕНТИ… Поплавата на Токсикологија направи сериозна штета
Вработени од Клиниката за токсикологија претходно изјавија дека ноќеска пукнала цевка од парно поради што биле поплавени простории во обектот. Според нив, просториите биле поплавени повеќе од 2 часа, а проблем е тоа што Клиниката не е осигурена.
Поплавени се речиси сите лекарски канцеларии на вториот кат, болнички соби на првиот кат, Одделението за сметководство, ходниците на приземјето, чекалната сѐ до Амбулантата за уво, нос и грло (ОРЛ) и дел од подрумските простории на Клиниката за токсикологија во Скопје.
Штетата дополнително ќе се утврдува, информира денеска медицинскиот директор на Клиниката за токсикологија, Данил Петровски, по поплавата што се случила синоќа.
Тој истакна дека поплавата се случила ноќеска во 1 часот по полноќ.
– Пукна радијатор во една лекарска канцеларија на вториот кат на Клиниката. Дежурната екипа веднаш ја повикала техничката служба за одржување на парно, но не успеале да го допрат истекот на водата во следните четириесетина минути. При што, повикано е лице од клиниката кое помогнало да се сопре водата од главните вентили – додаде Петровски.
Вработени од Клиниката претходно изјавија дека ноќеска пукнала цевка од парно поради што биле поплавени простории во обектот. Според нив, просториите биле поплавени повеќе од 2 часа, а проблем е тоа што Клиниката не е осигурена.
Од Министерството за здравство за МИА потврдија дека ноќеска имало пукната цевка од парно и дека проблемот е веднаш саниран.