ПЛАНОТ НА ЗЕЛЕНСКИ ЌЕ СТИГНЕ ДО КРЕМЉ ЗА НЕКОЛКУ ДЕНА „Не е совршен, но е изводлив“
Украина нема да ја признае руската власт над ниту еден дел од Донбас, рекол украинскиот лидер за верзијата на предлогот која се подготвуваше на средбите во Берлин, додавајќи дека нацрт-рамката содржи и безбедносни гаранции.
Претседателот на Украина, Володимир Зеленски, најавил дека мировниот предлог што се усогласува со американските претставници ќе биде готов за неколку дена и ќе му биде доставен на Кремљ. Според него, планот би можел да го отвори патот за средба во Соединетите Американски Држави веќе следниот викенд.
На средбата во Берлин се разговарало за финална верзија на предлогот, кој според Зеленски „не е совршен, но е изводлив“.
Тој нагласил дека остануваат неколку чувствителни прашања – меѓу нив и статусот на териториите што се под руска окупација.
– Украина нема да ја признае руската власт над ниту еден дел од Донбас – рекол Зеленски, додавајќи дека нацрт-рамката содржи и безбедносни гаранции.
Украинскиот лидер истакна и дека Украина и САД подготвуваат 5 документи освен мировната рамка, дел од нив се фокусираат на безбедноста.