„ПЕПКО“ КОЈ НАЈАВИ ПРОДАВНИЦИ КАЈ НАС, ЗАТВОРА ВО ГЕРМАНИЈА Компанијата оцени дека таму се влошиле нејзините економски перспективи

Британскиот дисконтниот синџир „Пепко“ (Pepco)  објави план за реорганизација на своето работење во Германија, што вклучува затворање на 28 продавници и отпуштање на 165 вработени.

Уште во јули, компанијата стана несолвентна на германскиот пазар, што предизвика загриженост кај работниците и клиентите.

Според официјалното соопштение, продавниците ќе бидат затворени „поради недостаток на економски перспективи“, а процесот ќе биде завршен најдоцна до крајот на јануари 2026 година.

По реорганизацијата, во Германија ќе работат 36 продавници оценети како „перспективни“, вклучувајќи ги филијалите во Оберхаузен и трговскиот центар Миланео во Штутгарт.

Извршниот директор на „Пепко“ истакнува дека целта на реорганизацијата е да се постигне одржлива профитабилност и да се зајакне оперативната база.

– Планираната реорганизација во Германија е клучен чекор кон одржлива профитабилност врз основа на послаба и поотпорна оперативна база – рече тој.

Компанијата пред десетина дена најави отворање на продавници и во Македонија во 2026 година

– Македонскиот пазар одамна е на нашата мапа. Ова е природен чекор во нашиот развој по успешното работење на нашите продавници и во Хрватска, Словенија, Србија, Босна и Херцеговина, Бугарија и Грција, и со задоволство потврдуваме дека ова ќе биде нашата 19-та европска земја. Целта  е да им го олесни секојдневниот живот на потрошувачите, нудејќи модерни производи за домот и гардеробата по најдобри можни цени – изјави Марчин Станко, извршен директор за Централна и Источна Европа и централни операции во „Пепко“.

„Pepco Group“ е компанија со седиште во Лондон, Велика Британија која располага со 4.000 продавници во 18 земји во Европа во кои работат повеќе од  30.000 луѓе.