ПЕНДАРОВСКИ ВО ШТИП, СИЛЈАНОВСКА ДАВКОВА ВО РЕСЕН Втор ден од кампањата за претседателските избори

Предизборната кампања за претседателските избори денеска продолжува со презентација на програмите на кандидатите на митинзи, дебати и средби со граѓани.

Кандидатот за претседател на Европскиот фронт, Бујар Османи, ќе одржи отворена дискусија на тема: „Членство на Северна Македонија во ЕУ, до 2030 година“ со учество на академски претставници, студенти и невладини организации.

Настанот ќе се одржи во дворот на Националната универзитетска библиотека „Св. Климент Охридски“ во 11:00; Кандидатот за претседател ќе одржи прес-конференција по настанот во 11:30 часот.

Прес-конференција ќе одржи и Коалицијата „ВРЕДИ“ и кандидатот за претседател Арбен Таравари. Настанот е закажан во 12 часот во Канцеларијата кај плоштадот „Скендербег“ во Скопје.

Кандидатот за претседател Стево Пендаровски од СДСМ ќе ги посети општините Карбинци во 17:30 часот и Пробиштип во 18:30 часот, а ќе има централен митинг во Штип вечерва во 20 часот.

Кандидатот за претседател од ВМРО-ДПМНЕ Гордана Силјановска Давкова ќе ја презентира програмата во Вевчани, Струга и Ресен. Настанот во Вевчани ќе започне во 17 часот, во Струга во 18.30 часоти во Ресен во 20:30 часот.

Кандидатот за претседател на Движењето ЗНАМ – За наша Македонија, Максим Димитриевски, ќе ја презентира програмата под наслов „Манифест за Македонија“. Тој денеска ќе ги посети Берово, Делчево, Македонска Каменица, Виница и Кочани.

Билјана Ванковска, кандидат за претседател од Левица денеска ќе има средба со граѓани во Штип во 13:00 часот, а во 18:00 часот ќе биде на средба со граѓани во Свети Николе.

Прес-конференција на политичката партија АВАЈА во хотел Мериот во 11 часот.