ПЕНДАРОВСКИ ВО ИТАЛИЈА, КОВАЧЕВСКИ „НАДВОР ОД ЗЕМЈАТА“ Политичарите ќе поминат неколку дена на одмор со семејствата
Од владината прес-служба добивме кус одговор дека првиот човек на владата ќе користи краток годишен одмор, но не открија кога и каде тој ќе замине, а ни колку време ќе трае неговиот одмор.
Политичарите започнаа да ги пакуваат куферите, а меѓу првите кој ќе замине на одмор е претседателот Стево Пендаровски, кој веќе утре со своето семејство ќе патува за Италија.
Од кабинетот на Пендаровски за Плусинфо велат дека претседателот ќе биде пет дена приватно отсутен и ќе со семејството.
Од Кабинетот не ја соопштија точната локација на која ќе летува претседателот.
Премиерот Димитар Ковачевски исто така со семејството ќе патува надвор од земјата, потврдија од Владата. Оттаму не открија кога и каде ќе замине Ковачевски и колку време ќе трае неговиот одмор.
„Премиерот Ковачевски ќе користи краток годишен одмор заедно со семејството надвор од земјата“, одговорија кусо од владината прес-служба.
Прашавме каде ќе летуваат министрите во Владата, но засега за тоа нема одговори од владината служба.