Пендаровски: Остануваат истите мерки, нема потреба од поригорозни чекори ВИДЕО

По седницата на Советот за безбедност која попладнево започна во Кабинетот на претседателот Стево Пендаровски и беше посветена на вонредната состојба за ковид 19, шефот на државата изјави дека откако биле добиени релевантни параметри од сите аспектина кризата, заклучок е дека засега државата е адекватно поставена и дека нема потреба од дополнителни, поригорозни мерки.

– Не разгледуваваме воведување на поригорозни мерки, затоа што во моментот нема потреба од тоа. Земјава во однос на тестираните, заразени и починати не е под нивото на земји членки на ЕУ, па дури е и понапред во позитивна смисла – рече Пендаровски.

Тој рече дека консензуало било заклучено да им се оддаде признание на сите служби кои се мобилизирани за справување со епидемијата.

– Советото заклучи – ситуацијата е сложена, а сите сценарија се зависни од главната непозната, односно од тоа колку кризата ќе трае. Засега имаме адекватна поставеност, стриктно спроведување на препораки на СЗО и со мали исклучоци, имаме почитување на мерките од граѓаните – рече Пендаровски.

Најногу страда еконимијата и не престори тежок период, ни требаат серија на мерки и одговорни чекори, па потребна е мобиизација на сите капацитети, а прибегнување на најрадикални решенија ќе има само во крајна нужда и со определен временски рок, беше дециден шефот на државата.

До истекот на вонредна состојба ќе има уште најмалку една Седница на Советот за безбедност.

– Тешките денови не се зад нас. Апелирам да бидеме смирени, одговорни и солидарни, излегувајте од  дома само кога е неопходно – рече Пендаровски.

На седницата, покрај постојаните членови на Советот, на покана на претседателот Пендаровски, присуствуваат и началникот на Генералштабот на Армијата, генерал-потполковник Васко Ѓурчиновски, директорот на Агенцијата за разузнавање, Еролд Муслиу, директорот на Агенцијата за национална безбедност, Виктор Димовски, гувернерката на Народната банка, Анита Ангеловска-Бежоска, заменичката на претседателот на Владата задолжена за економски прашања, Мила Царовска,  заменикот на претседателот на Владата задолжен за европски прашања, Бујар Османи, министерот за здравство, Венко Филипче министерката за финансии, Нина Ангеловска и министерот за економија, Крешник Бектеши.

Министерот за внатрешни работи Наќе Чулев, не присуствувал поради здравствени проблеми.