ПЕНДАРОВСКИ ДА СЕ ДОГОВОРИ ШТО САКА СТЕВО Лефков го посочи претседателот на Македонија како директен виновник за состојбата во судството
Пендаровски еднаш велеше дека е за реизбор на судии, друг пат вели дека бил против, рече Лефков.
Пендаровски да се договори со Стево дали поддржува или не лустрација и генерален реизбор на судии и обвинители, истакна денеска Миле Лефков, член на ИК на ВМРО-ДПМНЕ и пратеник.
Според Лефков, Пендаровски првин тврдел дека ја поддржал идејата на ЕУ во 2017-тата да нема генерален реизбор на судии и обвинители, а од митинзи повикувал на генерален реизбор.
– Да се потсетиме што зборуваше Пендаровски. Стево Пендаровски е директно виновен за состојбата во судството. Пендаровски се однесува политички опортуно, без да ја има в предвид реалната состојба. Еднаш кажува дека ја поддржал одлуката на ЕУ, да нема генерален реизбор, а кога СДС требаше да прави политички прогон, ги заплашуваше со генерален реизбор судиите и обвинителите за да ги впрегнат во јаремот на СДС за политички прогон. Епилогот 7 години потоа се гледа. 2% доверба во судството, политички монтирани случаи и граѓани кои ја напуштаат државата и поради немањето систем. И додека вршеа политички прогон, ова судство и обвинителство ги аболираше сите нивни функционери. Од Ден Дончев кој избега, преку Драги Рашковски и Катица Јанева кои повеќе се надвор отколку во затвор до сите криминалци блиски до нив. Со право народот вели дека немаме држава. Време е да ја вратиме – порача Лефков.