🎥 ПЕДРО ПАСКАЛ И РАФАЕЛ ОЛАРА ПОВТОРНО СНИМЕНИ ЗАЕДНО Лежерна прошетка на славниот актер со поранешниот фудбалер
Педро Паскал и Рафаел Олара се снимени во лежерна прошетка на сонце, во Лос Анџелес оваа недела. Неодамна беа фотографирани како шетаат во Њујорк, а беа и во театар на претставата „Оркански височини“.
Според TMZ, Педро Паскал и Рафаел Олара биле забележани во Беверли Хилс, а фотографите забележаа дека биле многу блиски – во еден момент Рафаел го фатил Педро за рака, а овој накратко ја потпрел главата на неговото рамо.
TMZ, кој ги објави фотографиите и видеото, додава дека поминале време на сонце и не се одвоиле еден од друг за време на прошетката. Кога фотографите ги прашале за природата на нивната врска, Паскал и Олара не дале никаков коментар.
Погледнете го видеото подолу:
Во последно време тие често можат да се видат заедно. Неодамна беа фотографирани како шетаат во Њујорк, а посетија и локален театар за да ја видат претставата „Оркански височини“.
Последната јавна врска на Рафаел беше со актерот Лук Еванс, а нивното раскинување беше потврдено во 2021 година.
Рафаел Олара (целосно име Рафаел Андрес Олара Гереро) е чилеански поранешен професионален фудбалер, роден на 26 мај 1978 година во Сантијаго, кој играше како централен бек. За време на неговата кариера, тој играше за неколку клубови во Чиле и во странство, а имаше и настапи за чилеанската репрезентација и беше дел од тимот што го освои бронзениот медал на Олимписките игри во Сиднеј во 2000 година.
По завршувањето на играчката кариера, тој работеше како спортски коментатор и ТВ аналитичар, вклучувајќи ангажмани за Fox Sports Chile, а подоцна и за ESPN.
Педро Паскал претежно го држи својот приватен живот, вклучително и љубовниот живот, подалеку од јавноста. Во интервју за Vanity Fair во јуни 2025 година, тој објасни дека личните односи се доволно сложени и без лупата на јавноста, поради што не сака да ги изложува на дополнителен медиумски интерес.
Покрај тоа, тој претходно ги негираше шпекулациите за неговата врска со Џенифер Анистон – во март 2025 година и рече дека биле пријатели и вечерале со заеднички пријатели.
Што се однесува до сегашните шпекулации по фотографиите со Рафаел Олара, сè уште нема јавна потврда за природата на нивната врска.