Патријархот Иринеј распали по Ѓукановиќ: Применуваш усташки методи за да ја уништиш СПЦ и да го протераш српскиот народ!

Тешки обвинувања испрати поглаварот на Српската православна црква (СПЦ), патријархот Иринеј, на сметка на претседателот на Црна Гора, Мило Ѓукановиќ.

– Некрстен прави црква! – вели Иринеј и додава дека сите светии во Црна Гора се српски светии.

Објавата на Ѓукановиќ дека планира да направи православна црква на Црногорците, патријархот ја искоментира со „прст во око“.

– Целта на она што го прави Ѓукановиќ е да се примени метод кој го применуваа усташите, а тоа е да се протера српскиот народ и да се уништи СПЦ. Се прашувам себеси, а и сите други, дали господинот Ѓукановиќ го има предвид својот народ и ситуацијата што самиот тој ја створи во Црна Гора? Јасно е дека планот е да нема повеќе СПЦ, ниту српски православен народ – истакна патријархот Иринеј по состанокот со српскиот претседател Александар Вучиќ.