ПАТНИЧКА ПАДНАЛА ВО АВТОБУС Скопјанка заврши со сериозни повреди во „8 Септември“
Патничката паднала во автобус на крстосницата Васил Ѓоргов – Франклин Рузвелт, по што била хоспитализирана со тешки повреди.
84-годишна жена е тешко повредена откако паднала во градски автобус на крстосница во Скопје, информира полицијата.
Инцидентот се случил на вчера околу 11 часот на раскрсницата меѓу улиците Васил Ѓоргов и Франклин Рузвелт, кога патничката Е.Д. од Скопје паднала во автобусот за време на возењето.
Можеби ќе ве интересира
По падот, жената била пренесена во Градска општа болница „8 Септември“, каде лекарите констатирале тешки телесни повреди.
Од Министерство за внатрешни работи информираат дека на местото бил извршен увид од екипа на СВР Скопје и се работи на расчистување на околностите под кои дошло до несреќата.