ПАРНОТО ПОСКАПУВА ЗА 4,5% Регулаторите бараат ЕСМ да го стави во функција топловодот на мостот „Беласица“
Во Скопје вкупно 64 000 домаќинства се снабдуваат со топлинска енергија.
Парното во Скопје ќе позкапи за 4,51% одлучи Регулаторната комисија за енергетика, водни услуги и услуги за управување со комунален отпад (РКЕ).
Комисијата, како што е соопштено, добила барање од од ЕСМ за зголемување на цената на топлинската енергија од повеќе од 50 %.
– Со оваа одлуки цената за граѓаните останува во опсег стабилна, а трите компании на ЕСМ за снабдување, дистрибуција и производство на топлинска енергија се практично приморани што побрзо да го стават во функција топловодот „Беласица“ за системот да работи економично и во целост да ја користи топлинската енергија од ТЕ-ТО. РКЕ со денешните одлуки, водејќи се од интересот на потрошувачите поставува финансиска рамка и праќа сигнал за максимално економично работење на ќерките фирми на ЕСМ – изјави Марко Бислимоски, претседател на РКЕ.
Бислимоски информира дека во однос на железарското греење кое го прави ЕСМ Енергетика, цената е незначително намалена, како и во Скопје-Север. Сето ова обезбедува услови за сигурно и стабилно функционирање на системот за топлинска енергија во Скопје.
-Замолувам да се преземат сите мерки за мрежата во Скопје-Север и во Железара да се поврзат со најголемата мрежа, за сите да добиваат иста цена за топлинска енергија. Верувам дека наредната година ќе се случи поврзување на сите мрежи. Тоа е единствен и исправен начин за оптимално функционирање на системот- рече Бислимоски.
Според него, со работата на ТЕ-ТО и функционирањето на топловодот Беласица просечна сметка за топлинска енергија изнесува 1.800 денари, без работа на ТЕТО 2.800 денари, што е разлика во цена од 60 %.
Вкупно 64 000 домаќинства се снабдуваат со топлинска енергија.