ПАРФЕМ ВО РАКИЕНА ЧАШКА Есен е, време за дуњи и особено – за ракија од дуњи
Најголем мотив во работата на нашиот соговорник Лазар Плетварски му е да произведува нешто што го нема на пазарот. Токму затоа сега можеме да уживаме во прекрасните вкусови на овошните ракии направени во дестилерија „Плетварски“, особено онаа за која со право вели: се надминав себеси! Ароматична ракија од дуњи или парфем спакуван во шише, а дозиран со ракиени чашки.
Лазар Плетварски е енолог, мал производител на вино и на дестилати од грозје, но и на многу други, кај нас помалку застапени плодови кои тој храбро се нафати да ги спакува во шише.
Со овој семеен бизнис започнува во 2017-та година со главен мотив да се произведува нешто што го нема на пазарот. Се сеќава на почетоците кога ракијата ја дегустирале блиски пријатели, токму оние кои го поттикнале да ја отвори „Дестилерија Плетварски“ и да произведува ракија на свој уникатен начин. Веќе го знаевме по неговата одлична лозова ракија, но сега конечно, по долго време чекање на дозвола, конечно можеме да ги пробаме и овошните ракии и ликерите што ги прави со голем мерак, бидејќи се кај нас вистинска реткост, а за него, како што веќе рековме, токму тоа е најголемиот предизвик, кога нешто нема на пазарот, тој да го направи.
Така сега конечно и кај нас, запоставените овошки се најдоа во буриња за ракија, а ние имаме одлична можност да пиеме ракија од дуњи, од кајсии, круши, мастика, ама и хербален ликер од 26 лековити тревки и 10 зачини, сличен на пелинковец.
Целиот текст прочитајте го на порталот „Арт кујна“.