ПАПАТА НА ИТНА ОПЕРАЦИЈА Како ќе ја поднесе анестезијата овој пат?
Папата Франциск ќе оди на итна операција на стомакот денеска во римската болница „Џемели“, соопшти Ватикан.
Лекарскиот тим заклучил дека операцијата е потребна и се очекува папата да остане во болница неколку дена.
Можеби ќе ве интересира
„Операцијата на стомачниот ѕид ќе се изведе под целосна анестезија“, објави Ватикан.
Папата вчера бил на 40-минутен преглед во истата болница. Тој беше опериран и пред две години, кога му беше отстранет дел од дебелото црево поради болна состојба наречена дивертикулитис. Оваа состојба пред извесно време му се вратила.
Папата се мачи и со постојани болки во коленото, но лани рече дека не сака да се оперира зашто имал непријатни несакани ефекти од анестезијата по операцијата на дебелото црево.