ПАПАТА ГО БАКНА УКРАИНСКОТО ЗНАМЕ ОД БУЧА Суровоста на масакрот секој ден е сѐ пострашна (ВИДЕО)
Овие деца мораа да побегнат за да стигнат во безбедна земја. Ова е плод на војната. Да не ги заборавиме и да не заборавиме на украинскиот народ, рече Папата, пред да му даде на секое дете по едно чоколадно велигденско јајце.
Папата Франциск го осуди „масакрот во Буча“ и го бакна украинското знаме за кое рече дека му било испратено од градот, за време на неговата неделна аудиенција во аудиториумот во Ватикан, јави Би-Би-Си.
– Неодамнешните вести од војната во Украина, наместо да донесат олеснување и надеж, донесоа нови злосторства, како што е масакрот во Буча. Суровост која е сè пострашна, дури и против цивили, беспомошни жени и деца – истакна папата.
🇻🇦🇺🇦 Pope Francis unfurls and kisses a flag sent to him from the Ukrainian city of Bucha – the site of civilian killings and atrocities allegedly caused by Russia. #UkraineRussia pic.twitter.com/MMigIFNDEW
— euronews (@euronews) April 6, 2022
Откако го покажа украинското знаме кое му било донесено од Буча, папата повика неколку деца бегалци од Украина да дојдат кај него.
– Овие деца мораа да побегнат за да стигнат во безбедна земја. Ова е плод на војната. Да не ги заборавиме и да не заборавиме на украинскиот народ – рече тој, пред да му даде на секое дете по едно чоколадно велигденско јајце.
Украинскиот претседател Володимир Зеленски вчера пред Советот за безбедност на ОН ја обвини руската војска за извршување на најголемите злосторства од Втората светска војна. Кремљ тврди дека нема докази дека руските војници ги извршиле злосторствата за кои се обвинети.
Претседателот на Украина, Володимир Зеленски во видеообраќањето пред ирскиот Парламент изјави дека Русија го користи гладот како оружје за освојување на територија.
Тој додаде дека руските проектили ја уништуваат егзистенцијата, додека блокадата на сите украински поморски пристаништа и бродови го спречува извозот на храна, што би довело до недостиг на храна и зголемување на трошоците за милиони гладни луѓе ширум светот.
– За нив гладот е оружје против нас, обичните луѓе како инструмент за доминација – посочи Зеленски.
Тој исто така, ги повика ирските политички лидери да го искористат своето влијание за да ги убедат другите земји-членки на ЕУ да воведат уште построги санкции за да се запре руската.