🎥 ПАПАРАПАПА…ДАЛИ ВУЧИЌ ЗНАЕ ШТО ПЕЕ?! Песната што го понесе српскиот претседател слави криминалци што пукаат во полиција
Александар Вучиќ го вклучува радиото и почнува да пее и да игра на делот од песната „парапапапа“, за која корисниците на социјалните мрежи велат дека е ономатопеја, поточно имитација на пукање во песната „Rap das Armas“, која е забранета во Бразил бидејќи го велича убивањето на полицајци во фавелите.
Претседателот на Србија, Александар Вучиќ објави ново видео на својот профил на ТикТок на кое додека вози го вклучува радиото и почнува да пее. Сепак, корисниците на социјалните мрежи препознаа дека се работи за песната „Rap das Armas“, која е забранета во Бразил бидејќи го велича убивањето на полицајци во фавелите.
Вучиќ, кој неодамна активно ја користи мрежата ТикТок, објави видео на кое го обиколува автопатот и ги фали успесите на партијата на која до неодамна беше претседател.
Но, на почетокот на тоа видео српскиот претседател го вклучува радиото и почнува да пее и да игра на делот од песната „парапапапа“, за која корисниците на социјалните мрежи велат дека е ономатопеја, поточно имитација на пукање во полиција.
baš dosta starog materijala, publika će da negoduje pic.twitter.com/ScwWckpe75
— Radomir Martin™ (@radomir_martin) December 8, 2023
Станува збор за песна која е забранета во Бразил, токму поради оваа причина – дека промовира насилство врз силите на редот и законот. Песната стана многу популарна во таа земја благодарение на филмот Елитна единица (Elite Squad).
Станува збор за специјалната полициска единица која секојдневно упаѓа во фавелите за апсење на наркодилери, но и за оружјето кое е популарно меѓу дилерите, како и за конфликтите меѓу дилерите и полицијата.
pesma koju pevuši Vučić, zabranjena u Brazilu presudom suda
tema ubijanje policajaca u favelama
iz brazilske serije Tropa de elite
šta bi sutra bilo u srpskim medijima da je neko iz opozicije ovo pevao? pic.twitter.com/SHLToQlBjC— Sasa Pesic (@sasapesicle) December 8, 2023
Песната ја изведуваат Ем-си Сидињо и Ем-си Дока, двајца следбеници на стилот „проибидео“ кој е законски забранет поради величење на криминални активности.
Затоа, и покрај популарноста, оваа песна никогаш не била пуштена на бразилските радио станици, додека по две недели била отстранета и од филмското це-де.
По лавината коментари на социјалните мрежи, српските медиуми го поставија прашањето дали Вучиќ воопшто знаел нешто за песната што толку радосно ја потпевнува. Како и забелешката дека не се знае што е полошо за српскиот претседател – дека знаел, па пеел или дека воопшто немал поим за што е оваа морничава песна што расположено ја потпевнува.