ПАНОВСКИ АПЕЛИРА ДО СИТЕ СО ЕДНА ДОЗА ВАКЦИНА Не влегувајте таму каде власта ви дозволува, под ризик сте!

Почитувани жители на Македонија, вие кои сте примиле една доза вакцина деновиве или ќе ја примите следниов период, а не сте прележале ковид. Ве молам да не влегувате во објектите во кои власта ви дозволува да влегувате, апелира вечерва д-р Никола Пановски на Фејсбук во пресрет на мерките за влегување во затворените објекти што ќе стапат на сила утре.

„Вие сè уште немате имунитет, не сте заштитени, под голем ризик сте таму да се заразите и потоа да ја ширите заразата. Потврдата не ве штити од зараза, нека не ви дава лажна сигурност. Откога ќе ја примите втората доза и ќе поминат две недели, тогаш може да претпоставиме дека сте заштитени“, порачува д-р Пановски.