Пандев ја одби премијата од ФФМ

Капитенот на македонската фудбалска репрезентација Горан Пандев во име на целата фудбалска репрезентација како нејзин лидер ја одби понудата од 40 илјади евра за вчерашниот пораз во Романија, па потегот стана вест број еден во регионов, јавува Спорт1.

ФФМ одлучила синоќа после поразот во трилер-мечот во Букурешт да ги награди фудбалерите како „мотивација за понатамошниот тек од квалификациите“, но Пандев ја одби таа премија и им порача на челниците на ФФМ, сами да си ја поделат. УО на ФФМ лани си подели по 20.000 евра од член премија откако Македонија обезбеди пласман на Евро 2021, на кое ќе дебитира летово.

– Ние пари за пораз не сакаме, меѓусебе разговаравме и ниту еден играч не прифаќа ваква премија. Нека си ја подели УО таа премија меѓу себе – рече Пандев.