ПАЛЕВСКИ ЌЕ БИДЕ ЕКСТРАДИРАН ВО НАЈКРАТОК РОК Веќе сме во комуникација со турските колеги, истакна министерот Тошковски
Нашите полициски службеници се во комуникација со турските колеги и се очекува во наредниот период да утврдат сѐ што е потребно од аспект предметното лице кое е прогон од страна на Обвинителството на РМ, да биде изнесено пред лицето на правда, изјави министерот за внатрешни работи Панче Тошковски.
Министерот за внатрешни работи Панче Тошковски попладнево изјави дека во најкраток рок ќе биде екстрадиран Љупчо Палевски откако денеска Министерството за правда соопшти дека е одобрена екстрадицијата од турските власти.
– Во текот на денешниот ден добивме информација од Секторот за меѓународна полициска соработка дека е одобрена екстрадицијата за предметното лице, со тоа што нашите полициски службеници се во комуникација со турските колеги и се очекува во наредниот период да утврдат сѐ што е потребно од аспект предметното лице кое е прогон од страна на Обвинителството на РМ, да биде изнесено пред лицето на правда – изјави Тошковски.
Прашан дали има конкретен рок кога треба да се испорача Палевски, министерот за внатрешни работи рече дека нема конкретен рок, но дека Палевски ќе биде екстрадиран најбрзо што може во земјава.
ПАЛЧО СЕ ВРАЌА ВО МАКЕДОНИЈА Турција ја одобри екстрадицијата, потврди министерот за правда Лога