ПАКЕТИ СО 3,2 ТОНИ КОКАИН ПЛОВЕЛЕ НИЗ ПАЦИФИКОТ? Дрогата чинела 279,5 милиони евра
Ова е една од најголемите заплени на дрога во Нов Зеланд.
Властите на Нов Зеланд денеска соопштија дека заплениле 3,2 тони кокаин, проценет на 279,5 милиони евра, кој пловел преку Тихиот Океан, најверојатно наменет за Австралија.
На фотографија објавена од полицијата на Нов Зеланд се гледаат пакети со дрога кои пливаат во океанот, прикачени на сплавови пред заплената.
Можеби ќе ве интересира
– Ова е една од најголемите заплени на дрога во земјата – рече комесарот на полицијата на Нов Зеланд, Ендрју Костер.
Новозеландскиот царински контролор Бил Пери ја процени вредноста на запленетиот кокаин на 279,5 милиони евра.
Полицијата досега не уапсила никого.