ПАК ЌЕ ИМА ГУЖВИ НА АВТОБУСКИТЕ Приватните превозници од „Слобода превоз“ ќе протестираат, си ги бараат платите
Превозниците ќе реагираат со протести. Доколку не се оствари средбата, секако дека ќе има протести. Ако протестите не вродат со плод, превозниците најавуваат целосен штрајк, вели првиот човек на „Слобода превоз“, Ленин Јовановски.
Скопјани од понеделник со нови проблеми. „Слобода превоз“ почнува со штрајк и десет линии со кои тие оперираат нема да возат по градските улици – линии кои скопјани често ги користат за да стигнат до своите работни места или домови, објави Телма.
Како што пренесе телевизијата, причина е лошата финансиска состојба на сопствениците на автобусите, бидејќи со месеци се без плата, а ЈСП не го подмирува долгот од околу еден милион евра кон „Слобода превоз“ .
Дека приватните превозници в понеделник нема да ги изнесат автобусите од гаража потврди и првиот човек на „Слобода превоз“, Ленин Јовановски.
– Превозниците ќе реагираат со протести. Доколку не се оствари средбата, секако дека ќе има протести. Ако протестите не вродат со плод, превозниците најавуваат целосен штрајк – изјави Јовановски за Телма.