ПАДНА ВО ВОДА ПРЕДЛОГОТ НА ЛЕВИЦА ЗА ПАТНИ ТРОШОЦИ ЗА РАБОТНИЦИТЕ „За“ гласаа само 18 пратеници
Пратеникот од Левица, Борислав Крмов, образложи дека предложените измени не наметнуваат задолжителна обврска, туку само ја отвораат можноста работодавачите доброволно да исплаќаат патни трошоци и на работниците.
Пратениците во Собранието не ги изгласаа предложените измени на Законот за работни односи, со кои се предлагаше воведување можност за исплата на патни трошоци и за работниците.
„За“ измените гласаа 18 пратеници, никој не гласаше „против“ и немаше „воздржани“.
Пратеникот од Левица, Борислав Крмов, образложи дека предложените измени не наметнуваат задолжителна обврска, туку само ја отвораат можноста работодавачите доброволно да исплаќаат патни трошоци и на работниците.
– Пред Уставот сите сме еднакви, но некои работници не се. Ова право на патни трошоци за работниците беше укинато од една од поранешните влади на ВМРО-ДПМНЕ. Не се однесувајте како привилегирана каста – рече Крмов.
На истата седница не беше прифатен ниту предлогот на Левица за намалување на цената на патарините.