📽️ ПАДНА ЛИ ДРОН ВО ПРИДЊЕСТРОВЈЕ? Проруските сепаратисти и Молдавија дадоа спротивни извештаи
Молдавската локална телевизија на својот профил на Телеграм објави видео од надзор на кое се гледа како дрон удира во воен хеликоптер кој експлодирал и се запалил.
Официјални лица во молдавската проруската сепаратистичка енклава Придњестровје соопштија дека беспилотното летало лансирано од украинскиот регион Одеса во неделата разнело хеликоптер на воена територија. Но проевропската Молдавија веднаш го отфрли извештајот, пишува Ројтерс.
„Бирото за реинтеграција контактираше со други владини агенции и откако го проучуваше видеото и размени информации, објавуваме дека овој инцидент е обид за создавање паника во регионот“, се вели во соопштението на Бирото.
„Воената опрема на видеото не е оперативна веќе неколку години“, се додава. „Молдавските власти во контакт со украинската страна не потврдуваат никакви напади врз Придњестровје.
Официјалното молдавско тело кое се занимава со Придњестровје, и еден украински функционер, го прикажаа инцидентот во Тираспол, главниот град на регионот, како провокација дизајнирана да сее паника во регионот, откако каналите на Телеграм пренесоа видео од мал објект кој лета во воен хеликоптер и разнесувајќи го.
#kamikaze #drone from #Odessa destroys Mi-8MT #helicopter at #Military base near #Tiraspol in #Moldova ‘s breakaway #Transnistria
Transnistria voted for the #Russian #PresidentialElection today#Russia #ISIS #VladimirPutin #UkraineWar #NATO #Elections2024 #c17 #bloodbath pic.twitter.com/YYtKAOUVjZ— thinkatom24 (@thinkatom24) March 17, 2024
Придњестровје, тесен појас на земја меѓу Молдавија и Украина, се отцепи по кратката војна во 1992 година против молдавската армија. Според официјалните податоци, Русија сè уште има 1.500 војници во таа област.