ПАДНА АВТОБУСКА ПОСТОЈКА ВО НОВИ САД Остатоците бргу се отстранети, а конструкцијата е откорната од бетонот
Според наши сознанија, настрешницата е срушена од патничко возило, соопштија од новосадското Градско сообраќајно претпријатие.
Во српскиот град Нови Сад падна автобуска постојка, но нема повредени, објави порталот Ослобоџење.
Постојка за градски автобуси утрината падна на булевар Европа во Нови Сад.
Можеби ќе ве интересира
Остатоците од постојката беа бргу отстранети, конструкцијата беше откорната од бетонот, додека, пак, парчиња стакло беа расфрлени околу постојката.
„Според наши сознанија, настрешницата е срушена од патничко возило“, соопштија од новосадското Градско сообраќајно претпријатие.
На 1 ноември годинава во овој град се урна натстрешница на Железничката станица каде што загинаа 14 луѓе. Потоа во болница, уште една девојка почина поради повредите. Меѓу загинатите беше и македонскиот научник Васко Саздовски.