ПАЦИЕНТКА ПОВТОРНО ЌЕ ЗАСТАНЕ НА НОЗЕ Извршена ѝ е трансплантација на ахилова тетива од починат донор
Интервенцијата е извршена кај 47-годишна пациентка со стара повреда на ахилова тетива, соопшти Клиниката за ортопедија каде што била извршена успешната операција.
На Клиниката за ортопедија е извршена трансплантација на ахилова тетива од банката на ткива од починати донори.
„Интервенцијата е извршена кај 47-годишна пациентка, со стара повреда на ахилова тетива. Пациентката е со уреден постоперативен тек. Трансплантацијата е извшена под водство на д-р Ерен Сејфула, заедно со д-р Александар Савевски и со д-р Бојан Будиќ, анестезиолог д-р Лилјана Ангелевска, во соработка со д-р Милена Богоевска, болнички координатор за ортопедија и одговорна за ткивна банка“, соопштија од Клиниката за ортопедија.
Можеби ќе ве интересира
Огромна благодарност до сите здравствени работници вклучени во оваа трансплантација, како и до семејствата на донорите, се вели во соопштението.