ЈП „Куманово-Гас“ ја проширува дистрибутивната мрежа за 200 домаќинства
Јавното претпријатие „Куманово-гас“ ја проширува дистрибутивната гасоводна мрежа, информираа денеска од претпријатието. Во тек е изградба на секундарна дистрибутивна мрежа на делницата на улица „Васко Карангелевски“ во должина од 800 метри.
-Создаваме технички услови за приклучување на дистрибутивниот гасоводен систем за околу 200 домаќинства на таа локација – изјави директорот на претпријатието, Никола Денковски.
Можеби ќе ве интересира
Претходно беше поставена приклучок на станбена зграда на улицата „Иво Лола Рибар“, a се прошири и мрежата на „Димитар Влахов“ и на дел од улицата „Ленинова“ .
Од претпријатието ги повикаа физичките лица и правните субјекти од овие делови од Куманово доколку се заинтересирани, писмено, телефонски, да се обратат до претпријатието или преку станбени домари, бидејќи, како што велат, создадени се технички услови за приклучување на нивните индивидуални и колективни станбени објекти на дистрибутивниот гасоводен систем на град Куманово.