ОВОЈ МЕСЕЦ ЌЕ ИМА 600 НОВИ ВРАБОТУВАЊА ВО МВР Со свежиот кадар ќе се засили борбата против криминалот
Премиерот Христијан Мицкоски изјави дека многу малку се водело сметка за кадровски потенцијал, во рамките на Министерството за внатрешни работи, и дека е правен епски криминал. За да се санкционира сето тоа, вели тој, потребен е човечки кадровски потенцијал.
„Во МВР е потребен човечки кадровен потенцијал и можам да објавам дека веќе овој месец се планирани нови 600 вработувања“.
Ова го изјави денеска премиерот Христијан Мицкски како одговор на новинарско прашање.
– Многу малку се водело сметка за кадровски потенцијал, во рамките на Министерството за внатрешни работи, тоа го согледуваме сега откако изминавме период од 6 месеци каде што анализиравме, истражувавме и дојдовме до заклучоци дека навистина изминативе години, би рекол, е правен епски криминал и за да се санкционира сето тоа и да излезе пред правдата ова основано сомневање, потребен е човечки кадровски потенцијал и можам да објавам дека веќе овој месец се планирани нови 600 вработувања во МВР – изјави Мицкоски.
Мицкоски појасни дека дел од кадарот оди во пензија, а дел од вработувањата ќе служат за кадровско зајакнување на МВР.
– Дел поради природно заминување во пензија, дел кадровски да се зајакне министерството, така што МВР веќе следната недела да објави оглас за нови 600 вработувања во рамките на самото министерство – појасни премиерот Мицкоски.