ОВАА БОЛЕСТ НЕ МУ ДАВА МИР Откажан концертот на „Рибља чорба“ поради здравствената состојба на Бора

Концертот на бендот „Рибља чорба“ кој требаше да се одржи на 30 декември во 20 часот во плоштадот во Ниш е откажан, потврдија организаторите.

Причината за тоа, според претставниците на бендот, е лошата здравствена состојба на фронтменот на бендот Бора Ѓорѓевиќ.

Претставниците на бендот на социјалните мрежи објавија дека лекарите му забраниле на Ѓорѓевиќ да патува и да се напрега поради тежок грип и проблеми со хроничната опструктивна болест на белите дробови.

„Се извинуваме до небо што нема да можеме заедно да ја дочекаме Новата година во Ниш и Бор. Лекарите му забранија на Бора да патува и да се напрега, бидејќи има силен грип, како и проблеми со хроничната, опструктивна болест на белите дробови. Се разбира, како и секогаш ќе ги победиме болестите и штом Бора се опорави, еве сме на нови дружења. Им се извинуваме на организаторите, како и на сите на кои им ги расипавме плановите. Ве сакаме, среќна Нова година – се наведува во соопштението на бендот.

Центарот за култура во Ниш, кој е задолжен за организирање на новогодишните концерти, работи на тоа да настапи друг изведувач на новогодишната ноќ. Постои можност тоа да биде „Ван Гог“, пренесува „Зона плус“.