ОВА ШТО ГО ПРАВИ БУГАРИЈА Е СТРАШНО! Унгарија бара вистинските разговори за членство на Македонија во ЕУ да почнат веднаш

„Страшно е што Бугарија го блокираше писмото што требаше да се испрати на РСМ пред неколку недели. Македонија е кандидат веќе 18 години и да не може да започне преговори е ужасно и покажува непочитување кон земјата и е контрадикторно со интересите на ЕУ“, изјави унгарскиот министер за надворешни работи, Петер Сијарто, кој е во работна посета на земјата.

– Тие што го кочат пристапувањето треба да знаат дека го поткопуваат и кредибилитетот на Унијата. Кога ќе го преземеме претседателството со ЕУ, ќе ги превртиме сите камења, за да се осигураме дека членството на Северна Македонија и Западен Балкан ќе се случи што поскоро – рече шефот на унгарската дипломатија.

Тој смета дека проширувањето на Европската Унија треба да се забрза веднаш со Северна Македонија.

– Вистинските разговори треба да започнат веднаш и да се заокружат со цел Северна Македонија да стане членка – нагласи тој, на прес-конференција во Скопје со шефот на македонската дипломатија, Бујар Османи.

Сијарто изрази остра реакција и за бугарската такса за увоз и пренос на природен гас.

– На секоја земја ` е важно да обезбеди снабдување со енергија. Никој нема право да ја загрозува безбедноста на другите за снабдување со енергија – рече Сијарто, откако Унгарија поднесе жалба до Европската комисија против бугарската такса.

Тој оцени дека тоj чекор e акт на непријателство од страна на Бугарија.

На одлуката на Бугарија се жали и Македонија. Шефот на македонската допломатија, Бујар Османи, izjavi дека ова е нелегално поставена такса, што е спротивно на европските правила и таа нанесува штета на македонската економија. „

– Ја известивме ЕК и баравме координиран пристап со цел да се острани оваа нелегално поставена такса – рече Османи.