ОВА ШТО ГО ДРЖАМ ВО РАКА Е НОВИОТ ЛЕК ЗА КОРОНА Вучиќ купил апчиња за 11.500 луѓе
Српскиот претседател во видеото појасни дека лекот ќе им помогне на луѓето во првите пет дена по позитивниот резултат, а наменет е пред сè за најзагрозените, луѓето со поголем број на килограми, дијабетичарите и кардиоваскуларните пациенти.
Претседателот на Србија, Александар Вучиќ, денеска соопшти дека во неговата земја пристигнал лекот за коронавирусот од американската компанија „МСД“
– Ова што го држам во рака е новиот лек за коронавирусот. Тоа се таблети, а една кутија е доволна за еден пациент. Имаме за 11.500 луѓе, а ќе има 50.000 луѓе – рече Вучиќ во видео-обраќањето објавено на Инстаграм профилот на „Будуќностсрбија“.
Српскиот претседател во видеото појасни дека лекот ќе им помогне на луѓето во првите пет дена по позитивниот резултат, а наменет е пред сè за најзагрозените, луѓето со поголем број на килограми, дијабетичарите и кардиоваскуларните пациенти.
– Лекот спасува животи, спречува огромен процент на смртни случаи – рече Вучиќ.
Претседателот најави и дека американскиот лек „Фајзер“ се очекува во првиот квартал од следната година.
– Сè повеќе има во таблети, а тоа ја покажува нашата грижа за луѓето. Ги замолувам сите лекари во Србија да го користат лекот, а тоа е лек произведен од МСД. Го купивме во САД, а во Европа заедно со нас го купија само Данска, Литванија и Словенија. Животот и здравјето на луѓето немаат цена – рече Вучиќ.