🎥 ОВА СЕ НАЈВАЖНИТЕ ИНФОРМАЦИИ ЗА ЕВРОСОНГ 2024 Кој учествува, кога се полуфиналните и финалните вечери, кои се фаворитите и нивните песни?

Од 7 до 11 мај во шведскиот град Малме ќе се одржи Изборот на песна на Евровизија 2024 година.

На годинешниот Евросонг ќе учествуваат вкупно 37 земји. Македонија не учествува на оваа манифестација.

Кој влегува во финалето?

Десетте најдобро рангирани земји од првата полуфинална вечер и десетте најдобро рангирани земји од втората полуфинална вечер, како и натпреварувачите од „големата петорка“ – Франција, Италија, Германија, Шпанија и Велика Британија – ќе настапат во финалето. По традиција, земјата домаќин, Шведска, исто така директно влегува во финалето.

Од 2000 година, земјите од „големата петорка“ директно влегуваат во финалето на Изборот за песна на Евровизија, бидејќи тие најмногу финансиски придонесуваат за Европската радиодифузна унија.

Каде ќе се одржи Евросонгот?

Евросонг 2024 ќе се одржи во Арената Малме во Шведска. Таа е повеќенаменска сала со 15.500 седишта, која служи како место за ракометни натпревари, за концерти и за други настани. Оваа сала веќе беше домаќин на Изборот за песна на Евровизија во 2013 година.

Ова е демо-видео на местото каде што ќе се одржи спектаклот:

Кога се полуфиналните и финалните вечери?

Натпреварот ќе се состои од две полуфинални вечери, кои ќе се одржат на 7 и 9 мај, а големото финале ќе биде на 11 мај во 21 часот.

Во првата полуфинална вечер ќе настапат: Кипар, Хрватска, Ирска, Литванија, Полска, Србија, Украина, Австралија, Азербејџан, Финска, Исланд, Луксембург, Молдавија, Португалија и Словенија.

Во втората полуфинална вечер ќе учествуваат: Албанија, Ерменија, Австрија, Чешка, Данска, Грција, Малта, Швајцарија, Белгија, Естонија, Грузија, Израел, Летонија, Холандија, Норвешка и Сан Марино.

Кои ќе бидат водители?

Петра Меде по трет пат ќе биде домаќин на Евровизија, а ќе ѝ се придружи и познатата шведска актерка Малин Акерман.

Меде двапати беше домаќин на Евровизија. Во 2013 година во Малме и во 2016 година во Стокхолм.

Еве еден од незаборавните настапи на Петра Меде:

 

 

Кои се фаворитите?

Што велат евровизиските обложувалници за можниот победник на Евосонг 2024?

Хрватскиот претставник Бејби Лазања (Марко Пуришиќ), кој ќе настапи во првата полуфинална вечер на 7 мај со песната „Рим Тим Таги Дим“, засега е втор на листата на фаворити.

Фаворит број еден веќе подолго време е швајцарскиот претставник Немо со песната „The Code“.

Ова е песната што ја претставува Хрватска:

А ова е песната на фаворитот од Швајцарија: