ОВА НЕМА ДА ФУНКЦИОНИРА БЕЗ РУСИЈА И УКРАИНА Маѓар побара да се пушти нафтата низ клучната рута „Дружба“

Новиот премиер на Унгарија Петер Маѓар го повика украинскиот претседател Володимир Зеленски да го обнови транспортот на руска нафта низ нафтоводот „Дружба“, кој беше оштетен во јануари, додека Будимпешта очекува испораките да продолжат, објави Ројтерс.

– Доколку од украинска страна нафтоводот „Дружба“ е подготвен за испорака на нафта, тогаш тие треба љубезно да го отворат повторно како што ветија – изјави Маѓар на прес-конференција по првиот состанок на неговата парламентарна група.

Во меѓувреме, западните медиуми напишаа дека од 1 мај Русија ќе го суспендира извозот на казахстанска нафта во Германија преку истиот нафтовод.

Маѓар вели дека Унгарија исто така од Русија очекува да почне да внесува нафта во нафтоводот во согласност со договорите, бидејќи, како што вели „ова нема да функционира без ниту еден од нив (Украина и Русија)“.

„Проектот Пакс-2 вреден 12,5 милијарди евра, чие завршување, според Маѓар, би можело да чини 24 милијарди, му беше доделен на рускиот Росатом без конкурентен тендер и долго време се наведува како симбол на блиските врски меѓу претседателот Владимир Путин и Орбан“, се вели во текстот на  Ројтерс.

– Мораме да испитаме дали условите за кредитот можат да се реструктуираат, дали оваа важна и неопходна инвестиција може да се финансира со подобри услови. Исто така, треба да видиме дали пазарот може да се отвори и дали процесот може да се забрза – додава Маѓар.

Нафтоводот „Дружба“ е клучен за снабдувањето со енергија на Унгарија. Прекинот има директни последици врз земјата. Секое одложување создава дополнителен притисок. Властите во Будимпешта бараат брзо решение.

Маѓар го повика Зеленски да го исполните своето ветување и да престане со секакви обиди за политичко условување.

Тој подвлече дека иако неговата идна влада нема да го блокира европскиот заем од 90 милијарди евра за Украина, но дека очекува Зеленски да покаже професионалност и да не ја користи енергетската инфраструктура како алатка за „политичка уцена“, бидејќи таквиот став само ги нарушува односите меѓу двете земји.

Од друга страна, Кремљ во вторникот соопшти дека Русија е технички подготвена да го продолжи протокот на нафта преку нафтоводот до Унгарија и Словачка ако и кога Украина заврши со, како што велат оттаму, „уцената“.