🎥 „ОВА Е ТЕРОРИЗАМ“ Пет ранети деца во Русија по украински напад со дронови
Портпаролката на руското Министерство за надворешни работи, Марија Захарова, го опиша инцидентот како „намерен терористички напад врз деца“ и повика на меѓународна осуда.
Во напад на украинско беспилотно летало на пограничниот град во руската област Белгород, повредени се пет деца, од кои две потешко, соопшти регионалниот гувернер. Вјачеслав Гладков рече и дека тројца цивили се повредени во друг украински напад на Шебекино.
– Во градот Шебекино, експлозивна направа беше намерно фрлена од дрон во дворот на повеќекатната зграда – напиша Вјачеслав Гладков на Телеграм, пренесуваат руските медиуми.
Пет деца кои биле на игралиштето се здобиле со различни повреди, а две во тешка состојба се пренесени во регионалната детска болница.
Портпаролката на руското Министерство за надворешни работи, Марија Захарова, која исто така пишува на Телеграм, го опиша инцидентот како „намерен терористички напад врз деца“ и повика на меѓународна осуда.
Инцидентот се случи три дена по рускиот напад на Киев во кој загинаа 47 лица, а детската болница таму претрпе големи разурнувања.
#Russia claims 5 children were injured in a drone strike near a playground in #Belgorod region. The youngest was 8 years old.
Governor Vyacheslav Gladkov says an explosive device was dropped from a drone into the courtyard of an apartment building in #Shebekino. pic.twitter.com/DNAUhVNGIS
— Tim White (@TWMCLtd) July 11, 2024