Ова е разликата меѓу топлотен удар и сончаница: За само половина час, сè може да се искомплицира

Тропските температури носат низа проблеми со себе – односно, долгиот престој на сонце и високи температури лесно може да доведат до сончаница, исцрпеност од топлина или топлотен удар. Еве како да ги препознаете овие услови и како да реагирате во такви околности.

Кои се симптомите на исцрпеност од топлина (сончаница)?

Веб-страницата на Националната здравствена служба на Велика Британија (НХС) содржи неколку симптоми кои укажуваат на фактот дека има исцрпеност од топлина.

главоболка

вртоглавица и конфузија

губење на апетит и гадење

прекумерно потење

грчеви во рацете, нозете и стомакот

брзо дишење или пулс

висока температура (од 38 степени и погоре)

изразена жед

Сите наведени симптоми се исти и кај возрасните и кај децата, а што се однесува до децата тие може почесто да бидат поспани и без никаква сила.

Сончаницата се јавува кај луѓе кои многу се потат, како резултат на недостаток на сол, губење на течности или комбинација од двете.

Како да му помогнете на некој што штотуку страдал од исцрпеност од топлина?

Доколку некој покаже неколку од горенаведените симптоми, потребно е веднаш да го оладите, согласно „NHS“ и ве советуваат да ги направите следниве 4 чекори:

Пренесете го лицето на ладно место

Потребно е да биде легнато и малку да му бидат поткренати нозете

Нека се напие вода и продолжи да пие

Изладете им ја кожата – испрскајте ги или ставете сунѓер натопен во ладна вода. Ладна облога околу вратот и пазувите се исто така добра опција

Останете со нив додека не станат подобри, а тоа треба да се случи во рок од 30 минути.

Како да се дејствува превентивно?

Ризикот од исцрпеност од топлина или топлотен удар е најголем кога поминувате долго време на силна сончева светлина или додека вежбате во текот на тропските денови.

Еве што можете да направите за да спречите исцрпеност од топлина или топлотен удар во најлош случај:

пијте многу ладни пијалоци, особено ако и додека вежбате

туширајте се со ладна вода

носете широка облека со светла боја

повремено прскајте ја кожата со вода

избегнувајте го сонцето помеѓу 11 и 17 часот.

избегнувајте прекумерно консумирање алкохол

избегнувајте напорни вежби за време на силно сонце и топлина

Сите овие совети исто така ќе ви помогнат да спречите дехидрирање, и ќе му помогнат на вашето тело да се олади и надвор и внатре. Посебно грижете се за децата, старите лица и луѓето со долгорочни здравствени проблеми (како што се дијабетес или срцеви проблеми) затоа што тие се повеќе изложени на ризик од таканаречена исцрпеност на топлина или топлотен удар.

Исцрпеноста од топлината обично не е сериозна ако можете да се оладите и да се вразумите во рок од 30 минути. Но, ако се претвори во топлотен удар, треба да го третирате како итен случај, според веб-страницата на „NHS“.

Еве неколку индикации дека сончаницата прераснала во топлотен удар:

се чувствувате лошо дури и по 30 минути одмор на ладно место и пиење многу вода

не се потите иако ти е премногу топло

висока температура (40 степени или повеќе)

брзо дишење или отежнато дишење

чувство на конфузија

напад

губење на свеста

Топлотниот удар може да се претвори во многу сериозна состојба ако не се реагира брзо.