ОВА Е ЕДЕН ОД СОПСТВЕНИЦИТЕ НА ДИСКОТЕКАТА ВО КОЈА ЗАГИНАА 59 ЛУЃЕ Полицијата потврди дека лиценцата била фалсификувана

Дејан Јованов – Деко е еден од сопствениците на дискотеката „Пулс“ во која загинаа 59 лица, а 155 се повредени, објави Радио Лидер.

Според Радио Лидер, Деко имал и други бизниси како кафулиња, но и компании во останати дејности.

МВР потврди дека дискотеката имала фалсификувана лиценца за работа издадена во времето на министерот за економија Крешник Бектеши.

– Дел од осомничените се во болница. Четири лица имаме обезбедено во болница, два члена на бендот, син на сопственик на дискотека и управител на правното лице кое ја менаџирало дискотеката. Дел од приведените лица кои се во полициска станица се луѓе кои имаат директна вина во овој кривично правен настан. Приведено е едно лице кое е организатор на настанот и за кое имаме сомнение дека е има директна вина. Исто така, приведени се поранешен државен секретар на Министерството за економија, поранешен, мислам дека е и сегашен раководител на еден сектор во министерството, поранешен директор во Дирекцијата за заштита и спасување и тројца вработени во Дирекцијата. Дел од приведените се организатори на настанот, дел се обезбедување, дел биле вклучени во други активности – рече министерот Панче Тошковски на прес конференција.