ОТВОРЕН ШТАБ НА ВЕСКОВСКИ ВО КОЗЛЕ Добредојдени се сите прашања и предлози

Oтворен е промотивен штаб на Душко Весковски во Општина Карпош каде граѓаните ќе можат да ги постават сите прашања и да ги достават сите предлози. Штабот на двете урбани заедници „Пецо Божиновски – Кочо“ и „Кузман Јосифовски – Питу“ е лоциран во Козле, спроти бензинската „Макпетрол“.

Новиот штаб ќе биде отворен за сите граѓани од овој дел на Карпош, каде сите ќе може да ги достават своите предлози, како и да ги дознаат сите предвидени активности за наредните четири години на кандидатот на СДСМ Душко Весковски.

– Синоќа заедно со Мила Царовска, започнавме со поделба на промотивен материјал, како би им ја доближиле нашата визија и мисија на граѓаните од Општина Карпош. Презентиравме дел од програмата и проектите планирани за Урбаните заедници „Пецо Божиновски – Кочо“ и „Кузман Јосифовски – Питу“ – истакна Весковски.

Тој најави реконструкција на атмосферската канализација во „Пецо Божиновски – Кочо“. Целта на овој проект е да се надминат проблемите што ги создаваат обилните дождови, при што водите што се слеваат од улиците Козле и Струшка ги поплавуваат пониските улици и дворови.

Планирана е и реконструкција на крак од улицата Загребска. Се предвидува да се реконструира и да се прошири кракот од улицата Загрепска, кој води до оваа важна здравствена установа, во која се лекуваат најмалите жители не само од оваа Општина туку и од целиот град Скопје, па и пошироко. Овој дел од улицата сѐ уште е поплочен со гранитна коцка, која е во исклучително лоша состојба.

Во урбаната заедница „Кузман Јосифовски – Питу“ е планирано покривање на каналот на улицата Ловќенска. Овој проект е во тек на реализација и целта е да се заврши до крајот на 2022 година. Со тоа би се елиминирал еден од најголемите проблеми на жителите од оваа улица во „Кузман Јосифовски – Питу“.