ОТВОРАМЕ НОВО ПОГЛАВЈЕ, ДА БИДЕМЕ ОБЕДИНЕТИ Премиерот организираше прием по повод отпочнувањето на преговорите
Сега е време за храброст, посветеност и јасен поглед кон иднината за, како што вели, да можеме брзо и одлучно да го оствариме и сонот на нашата генерација, но и сонот на Илинденците и борците од НОБ, потенцира тој.
Претседателот на Владата Димитар Ковачевски вечерва организираше прием по повод отпочнување на преговорите на Република Македонија со Европската Унија. На средбата на која беше присутен државно-владиниот врв, пратениците, амбасадорите на земјите членки на ЕУ, политички чинители, претставници на граѓанското општество, на медиумите и стопанственици премиерот тој се обрати пред присутните велејќи дека како земја сме подготвени за ЕУ и дека следува напорна и посветена работа на реформи.
По истиот повод премиерот се огласи и на Фејсбук.
„Се затвори едно поглавје и отвораме ново. Затоа, сега е времето кога треба да застанеме заедно, обединети, полни оптимизам и верба за подобро утре, за да можеме да ги здружиме силите и заеднички да се посветиме на развивање силна, успешна и просперитетна европска држава“, на Фејсбук напиша Ковачевски.
„Сега е време за храброст, посветеност и јасен поглед кон иднината за, како што вели, да можеме брзо и одлучно да го оствариме и сонот на нашата генерација, но и сонот на Илинденците и борците од НОБ“, потенцира тој.
„Да се обединиме и да застанеме заедно, бидејќи само заедно сме посилни“, завршува Ковачевски на Фејсбук.