📽 ОТКРИЛЕ „БАГ“ НА БАНКОМАТ И ПОВЛЕКУВАЛЕ ПАРИ КАКО ЛУДИ Благодарение на грешка пари подигнувале и тие што немале на сметка

Банката на Ирска вчера се соочи со криза откако илјадници луѓе ги „нападнаа“ банкоматите во обид да ја искористат голема грешка. Банката претходно ги информирала клиентите дека има проблем со нејзината онлајн апликација и веб-страница, откако била „преплавена“ со поплаки, пренесуваат медиумите.

До вечерта, корисниците открија дека можат да добијат готовина од банкоматите и покрај тоа што немаат доволно средства. Поради ова, на полициските службеници им било наредено да ги расчистат редиците од луѓе кои се обидувале да ја искористат приликата пред банкоматот. Луѓето синоќа чекаа во долги редици пред некои филијали за да подигнат пари што всушност ги немаа на нивните сметки.

Bank error in Ireland allows people with very low bank balances to withdraw 1,000 euros in cash from ATMs.pic.twitter.com/MbrPg28OFq

— The Spectator Index (@spectatorindex) August 16, 2023

Во некои случаи, грешка во онлајн апликацијата им дозволуваше на луѓето без пари на нивната сметка да префрлат до 1.000 долари на сметка на „Revolut“. Потоа можеа да подигнат пари од „Revolut“ на кој било банкомат. Како што веста брзо се рашири на социјалните мрежи, „лудилото“ од подигнување готовина на многу места, вклучувајќи ги Даблин, Лимерик и Наван, продолжи се додека чуварите не го спречија тоа, и покрај предупредувањата на социјалните мрежи дека нема бесплатни пари и дека парите мора да бидат вратени.

Bank of Ireland in Navan, major fault allowing money to be drawn out even if you have none in the bank. Where are the Gardai? pic.twitter.com/XujVzIhdAr

— Chris Rattigan ©️®️™️ (@ChrisRattigan1) August 15, 2023

Во соопштението објавено после 11 часот синоќа, „Bank of Ireland“ ги предупреди клиентите дека парите земени од нивните сметки ќе се третираат како пречекорување.

– Би сакале да ги потсетиме корисниците дека трансферот/повлекувањето на средства – вклучувајќи ги и оние над нормалните граници – ќе се третира како пречекорување на сметката. Свесни сме дека корисниците можеби нема да можат да го проверат салдото, но не треба да подигаат/префрлаат пари доколку постои веројатност да ги надминат лимитите – наведоа од банката.

We are working on a technical issue that is impacting a number of our services including our mobile app and 365Online. We are working to fix this as quickly as possible and apologise to customers for any inconvenience caused.

— Bank of Ireland (@talktoBOI) August 15, 2023