ОТКРИЕНА ВИСТИНСКАТА ПРИЧИНА ЗА СМРТТА НА ЏИН ХЕКМАН Пристигнаа наодите од обдукцијата, актерот гладувал со денови?

Легендарниот актер Џин Хекман почина на 95-годишна возраст во својата вила во Санта Фе, Ново Мексико, а беше пронајден на 26 февруари покрај неговата сопруга, Бетси Аракава.

Домарот на имотот бил тој што го кренал алармот тој ден, повикувајќи ги службите за итни случаи кога ја видел жената како лежи на подот додека гледал низ прозорецот во куќата. Бетси починала околу една недела пред нејзиниот сопруг, кој можеби не бил свесен за нејзината смрт поради неговата напредна Алцхајмерова болест.

Во официјалните документи се наведува: „Обдукцијата покажа тешка атеросклеротична и хипертензивна кардиоваскуларна болест, со поставување на стентови на коронарните артерии и бајпас графтови, како и претходна замена на аортниот залисток“.

Соопштението продолжува: „Беа присутни оддалечни инфаркти на миокардот кои го зафатиле слободниот ѕид на левата комора и септумот, кои беа значително големи. Прегледот на мозокот покажа микроскопски наоди за напредна Алцхајмерова болест.“

Медицинскиот вештак забележал дека Џин имал „историја на конгестивна срцева слабост“ и дека му бил вграден „двовентрикуларен пејсмејкер“ во април 2019 година, додавајќи дека имал ниво на ацетон од 5,3 мг/дЛ, додека нормалните нивоа се искачуваат на само 0,3 мг/дЛ, објави „Фокс њуз“.

Токсиколошкиот извештај сугерирал дека ацетонот „е исто така производ на кетоацидоза предизвикана од дијабетес и постење (воздржување од храна), како и метаболит по внесувањето на изопропанол“ и заклучил дека нивоата во Џин можеби укажувале на продолжено постење.

Прегледите, исто така, потврдиле дека нивоата на јаглерод моноксид се во рамките на нормалниот опсег, откако семејството на актерот веднаш претпоставило дека истекувањето на гас е веројатно причина за неговата и смртта на Бетси. Освен што ја исклучил можноста за труење со јаглерод моноксид, вештакот потврдил и дека Џин не починал од истата болест од која почина и неговата сопруга, хантавирус.

Претходно беше утврдено дека Бетси починала од хантавирусен белодробрен синдром, ретка состојба што се шири преку изметот и урината на глодарите.