ОТКРИЕНА ПРИЧИНАТА ЗА СМРТТА НА ЅВЕЗДАТА НА „ЕУФОРИЈА“ Ангус Клауд починал од фатална комбинација на фентанил, кокаин и метамфетамин

Ѕвездата на хит серијата „Еуфорија“, Ангус Клауд починал од случајно предозирање, потврдија од судскиот совет, пренесуваат американските медиуми.

„Ангус Клауд почина од фатална комбинација на фентанил, кокаин, метамфетамин и уште многу друго, за што се верува дека е случајно предозирање“, изјави портпаролот на округот Аламеда за „Ентертејмент тунајт“: „Станува збор за акутна интоксикација поради комбинација на разни лекови, вклучувајќи и бензодиазепин“, додал тој.

Ѕвездата од серијата „Еуфорија“ беше пронајдена мртва на 31 јули на возраст од само 25 години.

„Како уметник, пријател, брат и син, Ангус беше посебен за сите нас на толку многу начини… Единствената утеха што ја имаме е да знаеме дека тој сега повторно е со својот татко, кој му беше најдобар пријател. Ангус отворено зборуваше за неговата борба со менталното здравје и се надеваме дека неговата смрт може да биде потсетник за другите дека не се сами и дека со тоа не треба да се борат сами во тишина“, соопшти неговото семејство по неговата смрт.

ФОТО: Инстаграм