Откажана Евровизија поради коронавирусот!

Овогодинешниот Евросонг требаше да се одржи во мај во Ротердам, Холандија, но поради новонастанатата ситуација со пандемијата со коронавирусот е откажан. Поради сѐ поголемиот број смртно настрадани од ковид-19 првпат во историјата овој музички натпревар е откажан.

Нашата земја на Евросонг требаше да ја претставува Васил Гарванлиев со песната „You“.

Ви пренесуваме дел од изјавата на ЕБУ:

„Со големо жалење  сме принудени да го објавиме откажувањето на Евросонг 2020 во Ротердам. Во последните неколку недели истражувавме многу алтернативни опции кои би дозволиле да се одржи Евросонгот, меѓутоа, несигурноста создадена со ширењето на ковид-19 низ цела Европа и ограничувањата наметнати од владите на државите учеснички и холандската влада значат дека ЕБУ е принуден да ја донесе оваа тешка одлука дека е невозможно да се продолжи настан во живо како што беше планирано.“