ОТФРЛЕНА ТУЖБАТА ПРОТИВ ПИ ДИДИ ​​Адвокатите ја прославија одлуката на судот, еве како дошло до шокантен пресврт во случајот

Во големиот пресврт во случајот против раперот Пи Диди (Шон Комбс), судот ја отфрли тужбата за сексуален напад поднесена од анонимна жена која тврдела дека тој ја нападнал на забава во 1995 година во Њујорк.

Тужбата е отфрлена на 6 март 2025 година, бидејќи жртвата не ја поднела тужбата во свое име, како што бара судот, ниту пак, побарала продолжување на рокот.

„На 6 март 2025 година, судот го одби барањето на тужителката да остане анонимна и ѝ нареди да поднесе тужба во свое име до 20 март 2025 година или во спротивно случајот ќе биде отфрлен. Тоа не е направено, ниту е побарано продолжување на рокот. Во согласност со тоа, случајот е отфрлен.“

Многумина веруваат дека наводната жртва на Паф Диди се плаши да го открие својот идентитет, но неговите адвокати ја слават одлуката на судот.

„Со месеци следевме случај по случај кои ги покренуваа поединци кои се кријат зад анонимноста, а кои ги  туркаат адвокатите кои се повеќе фокусирани на медиумските наслови отколку на правните вредности. Другите тврдења, како ова што беше отфрлено денеска, исто така нема да се одржат на суд“, рекол неговиот правен тим, пишува „Пипл“.

Паф Диди веќе се соочува со бројни обвиненија, вклучително и обвиненија за сексуална трговија и рекетирање, а во моментот е во затвор во Бруклин, каде што го чека продолжението на судењето закажано за следниот месец. Иако тој ги отфрли сите обвиненија, адвокатите се уверени дека слични барања кои веќе се отфрлени повторно ќе се соочат со неуспех пред судот.

Жената која ја поднела тужбата ја застапувал адвокатот од Хјустон, Тони Базби, познат по тоа што застапувал стотици луѓе кои тврдат дека биле сексуално злоупотребувани од Паф Диди. Последниот пресврт во случајот се очекува да има значително влијание врз понатамошниот развој на судењето, што може да даде одговори на еден од најголемите скандали во 2024 година.