Основан фонд за жртвите на Џефри Епстајн

Фондот за жртвите на силување и сексуална злоупотреба на Џефри Епстајн е основан и активиран една година од неговото апсење и самоубиство во затворската ќелија, извести „Ројтерс“.

Жртвите на овој начин ќе можат да бараат надомест на штета од наследството кое тој го остави по смртта.

Пред годинашните загуби на финансискиот пазар, богатството на Епстајн е проценето на околу 636 милиони долари.

Многу од жртвите на Епстајн и неговото речиси дведецениско сексуално напаствување беа малолетнички.

Администраторката на Фондот, Џордана Филдман изјавила дека е во контакт со адвокатите што застапуваат повеќе од 70 жртви на Епстајн, но дека е можно да се појават уште жени кои ќе бараат да бидат обесштетени.